Avto

8 milyonluq "Ferrari" aldı, 1 saat sonra kül oldu - FOTO

23 Aprel 2025 03:03

Baxış: 363

VTB-də minimal faiz dərəcəsi ilə nağd kredit 10.49%-dən

#MARAQLI #HADİSƏ #AVTOMOBİL

Tokioda 33 yaşlı yapon musiqi prodüseri Honkon 10 il ərzində topladığı pulla aldığı Ferrari 458 Spider avtomobilindən cəmi bir saat istifadə edə bilib. Təxminən 8 milyon TL dəyərində olan lüks idman avtomobili salonu tərk etdikdən qısa müddət sonra alovlanıb.

Milli.Az xəbər verir ki, hadisə Tokionun Minato səmtində baş verib. Avtomobil qəfil ağ tüstü buraxmağa başladıqda sürücü dərhal maşını yolun kənarına çəkib. Lakin bu, alovların qarşısını almaq üçün kifayət etməyib - Ferrari çox keçmədən tamamilə yanıb.

Yanğınsöndürənlər hadisə yerinə vaxtında çatsa da, yanğını nəzarət altına almaq 20 dəqiqə çəkib. Xoşbəxtlikdən, hadisə zamanı xəsarət alan olmayıb.

Sürücü Honkon bu dəhşətli anları sosial şəbəkədə paylaşaraq belə deyib:
"Avtomobilin partlayacağından qorxdum. Düşünürəm ki, Yaponiyada belə bir hadisəni yaşayan yeganə insan mənəm."

Qeyd edək ki, bu kimi bahalı avtomobil yanğınları təkcə Yaponiyada deyil, dünyanın bir çox yerlərində qeydə alınır.

Fidan
Milli.Az