Ermənistan

“Əgər mən Gorus-Qafan yolu ilə gedib sağ qayıtmışamsa deməli vəziyyət normaldır...”

21 Sentyabr 2021 19:54

0 Şərh Baxış: 3 958

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

Bu gün Yerevanda, Ermənistanın əslində mövcud olmayan "müstəqilliyinin" 30 illiyinin qeyd olunması mərasimlərində jurnalistlər Baş qərargah rəisi Artak Davtyanı haqlayıblar və ondan son günlər gündəmdə olan əsas mövzu - Gorus-Qafan yolunun Azərbaycan hissəsindəki vəziyyət barədə soruşublar.

Milli.Az virtualaz.org-a istinadən xəbər verir ki, Davtyan əvvəlcə pafoslu sözlər deyib, bildirib ki, o erməni xalqının və Ermənistanın indiki vəziyyətdən çıxacağına, "uğrunda bu qədər mübarizə aparılmağa dəyəcək ölkə quracağına" əmindir. Amma bildirib ki, bu yolda hələ çox iş görülməlidir.

Bu vaxt jurnalistlər soruşublar: Baş qərargah rəisi arzu etdiyi həmin ölkənin qurulması üçün hansı ilkin şərtləri görür, bir halda ki, Ermənistan vətəndaşları Sünik vilayətinə (Zəngəzur) gedib-gələndə öz təhlükəsizliklərindən əmin deyillər.

Davtyan isə deyib ki, Zəngəzura gedib-gəlməkdə heç bir problem görmür. "Mən özüm də Gorus-Qafan yolundan keçmişəm və hər şey normal olub. Əgər mən bu yolla gedib qayıtmışamsa deməli hər şey normaldır", - general Davtyan belə deyib. Baş qərargah rəisi jurnalistlərin bu mövzuda sonrakı suallarına cavab verməyərək uzaqlaşıb...

Milli.Az