Ermənistan

Köçəryanı o da dəstəklədi

14 İyun 2021 17:48

Baxış: 952

#ERMƏNİSTAN

2016-2018-ci illərdə Ermənistanın baş naziri olmuş Karen Karapetyan erkən parlament seçkilərində ikinci prezident Robert Köçəryanın "Ermənistan" blokunu dəstəkləyir.

Milli.Az virtualaz.org-a istinadən bildirir ki, bu barədə jurnalistlərə açıqlamasında K.Karapetyan özü bildirib.

Onun sözlərinə görə, iyunun 20-nə təyin edilmiş seçkilər Ermənistanın gələcəyi üçün son dərəcə vacibdir. Müharibə nəticəsində ölkə dərin bir böhrana girdi və təcili olaraq bunun aradan qaldırılması tələb olunur. Xüsusilə, Karapetyana görə, ordunun döyüş qabiliyyəti əhəmiyyətli dərəcədə azalıb, Ermənistanın bütün təhlükəsizlik sistemi zəifləyib, ən ciddi sosial problemlər kəskinləşib, bu da mümkün olan bütün imkanların səfərbər olunmasını tələb edir.

"Diaspora, dəyərlər sistemi, milli ideologiya və bir çox digər mövzularda böhranlı vəziyyətdəyik. Ölümcül vəziyyətdir, problemlər çoxqatlı və təhlükəlidir, həll yolları məhduddur və bu, yüksək peşəkarlıq tələb edir. Bu vəziyyətdən ölkəni Robert Köçəryan çıxara bilər", - deyə Karapetyan bildirib.

Keçmiş baş nazirin fikrincə, Köçəryanın təcrübəsi buna imkan verir. O, hamını seçkilərə getməyə çağırıb.

Qeyd edək ki, iyunun 20-də Ermənistanda 25 siyasi qüvvənin - 21 partiya və 4 blokun iştirak edəcəyi erkən parlament seçkiləri keçiriləcək.

Milli.Az