Ermənistan

Şuşa muzeyi görün necə talan edilib - VİDEO

8 İyun 2021 10:29
Baxış: 1 785
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Erməni deputat Şuşa muzeyini talan edərək, eksponatları Ermənistana apardıqlarını etiraf edib.

Milli.Az Xəzər TV-yə istinadən xəbər verir ki, Ermənistan parlamentinin "Çiçəklənən Ermənistan" fraksiyasının deputatı Naira Zöhrabyan Şuşa işğaldan azad olunmamışdan bir neçə gün əvvəl şəhərdə yerləşən muzeyin eksponatlarının çıxarıldığını bildirib. Bu barədə o, "facebook" hesabında paylaşım edib.

O, eksponatları Ermənistana aparan sürücünün Armen Xaçatryan olduğunu bildirərək onun fotosunu da paylaşıb.

Naira Zöhrabyan qeyd edib ki, Armen Xaçatryan noyabrın 1-nə keçən gecə Şuşa xalça muzeyinin eksponatlarını İrəvan Tarix Muzeyinə, Milli Qalereyaya daşıyıb. Erməni deputatın yazdığına görə, Armen 160 xalça, xalı və kilim, 30 saxsı qab, 50 rəsm əsərini Şuşadan Ermənistana aparıb.

Məsələ ilə bağlı Azərbaycan Milli Xalça Muzeyinin mətbuat katibi Ülvinə Fərzəliyeva deyib ki, 1992-ci ilin fevral ayından sonra Milli Xalça Muzeyinin Şuşa filialının 246 ədəd eksponatının 183-ü təxliyə edilərək Bakıya gətirilib və Xalça muzeyinin əsas fonduna təhvil verilib.

Ülvinə Fərzəliyeva deyib ki, ermənilərin ''Arsax'' adı ilə təqdim etdikləri xalçalar arasında həm Qarabağ xalça tipinə aid, həm də Quba, Şirvan, Gəncə və digər bölgələrə aid xalçalar var.

Qurum rəsmisi onu da vurğulayıb ki, Azərbaycan Xalça Muzeyində qorunan Şuşa filialına aid xalça və xalça məmulatları yaxın zamanda aid olduğu Şuşa şəhərinə geri göndəriləcək.

Mövzu ilə bağlı daha ətraflı videomaterialı təqdim edirik:

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.