Ermənistan

İrəvandan Qafana uçan təyyarə “yoxa çıxdı”

28 Avqust 2023 14:21
Baxış: 1 877
VTB-də minimal faiz dərəcəsi ilə nağd kredit 10.49%-dən

Bu gün səhər İrəvandan Qafana uçan təyyarə reysi yerinə yetirilməyib.

Milli.Az axar.az-a istinadən bildirir ki, bu barədə erməni mətbuatı məlumat yayıb.

Məlumata görə, təyyarə İrəvandakı "Zvartnots" hava limanından qalxıb, amma Qafana enməyi barədə informasiya yoxdur.

Hətta "Zvartnots" hava limanından da təyyarənin enməsi barədə məlumat verilməyib.

"Hava limanından açıqlama verildi ki, təyyarə "Zvartnots"dan havaya qalxıb, amma eniş edib-etmədiyini deyə bilmirlər, amma uçuşun 1 saat çəkdiyini və təyyarənin eniş etdiyini güman edirlər", - məlumatda qeyd olunub.

Mətbuatın yazdığına görə, təyyarə pis görüntü səbəbindən Qafana enə bilməyib və yenidən İrəvana qayıdıb. Ancaq İrəvana enməsi barədə də xəbər yoxdur.

Qeyd edək ki, Ermənistan "İrəvan-Qafan" təyyarə reysini daimi etmək üçün çalışır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.