Amerika

ABŞ-da 11 sentyabr faciəsini əks etdirən xalça narazılıq yaradıb - FOTO

4 May 2026 09:36

Baxış: 400

VTB-də minimal faiz dərəcəsi ilə nağd kredit 9.9%-dən

#AMERİKA

Kaliforniyada bir mağazada satışa çıxarılan 11 sentyabr hadisəsini təsvir edən xalça ictimai qəzəbə səbəb olub.

Milli.Az xəbər verir ki, bu barədə "California Post" nəşri məlumat yayıb.

Bildirilir ki, Əfqanıstandan ABŞ-yə köçən Məsud Əzizi sözügedən xalçanı Kaliforniya ştatının Santa Barbara şəhərində yerləşən mağazasının qarşısında nümayiş etdirib.

Məlumata görə, 450 dollar dəyərində olan və "unikal dizayn" adlandırılan xalça əfqan ustalar tərəfindən hazırlanıb. Xalçanın üzərində təyyarələrin 2001-ci il 11 sentyabr terror aktları zamanı Nyu-Yorkdakı əkiz qüllələrə çırpılması təsvir olunub. Satıcı bu təsviri "sadəcə tarix" kimi qiymətləndirib.

Xalçanın satışa çıxarılması, xüsusilə xilasetmə əməliyyatlarında iştirak etmiş yanğınsöndürənlər arasında ciddi narazılıq doğurub. 2001-ci ilin sentyabrında Nyu-York Yanğın Departamentinə rəhbərlik etmiş Thomas von Essen həm xalçanı hazırlayanları, həm də onu alan amerikalıları kəskin tənqid edərək "qəlbsiz" adlandırıb. O bildirib ki, 11 sentyabr faciəsinin ağrısı onun və sağ qalan həmkarları üçün hələ də keçməyib.

Ayxan
Milli.Az