Amerika

ABŞ Hörmüz boğazındakı əməliyyatının təfərrüatlarını açıqladı

4 May 2026 09:32

Baxış: 360

VTB-də minimal faiz dərəcəsi ilə nağd kredit 9.9%-dən

#IRAN #AMERİKA

ABŞ Hörmüz boğazında ilişib qalan gəmilərə yardım məqsədilə başladığı əməliyyatda hələlik hərbi müşayiəti planlaşdırmır.

Milli.Az xəbər verir ki, bu barədə "The Wall Street Journal" nəşri Vaşinqton administrasiyasının yüksək vəzifəli nümayəndəsinə istinadən məlumat yayıb.

Bildirilir ki, əməliyyat çərçivəsində dövlətlər, sığorta şirkətləri və yükdaşıma ilə məşğul olan təşkilatlar gəmilərin keçidini koordinasiya edəcək.

Məlumata görə, "Azadlıq Layihəsi" adlanan təşəbbüs birbaşa hərbi eskortdan daha çox koordinasiya mexanizmi kimi fəaliyyət göstərəcək. Əməliyyatın əsas məqsədi Hörmüz boğazında hərbi münaqişə səbəbilə bloklanan gəmilərin təhlükəsiz şəkildə ərazini tərk etməsinə şərait yaratmaqdır.

Bundan əvvəl ABŞ prezidenti Donald Trump mayın 4-də səhər saatlarında bu əməliyyatın başlayacağını açıqlayıb. O, təşəbbüsü ABŞ, Yaxın Şərq ölkələri və xüsusilə İran tərəfindən həyata keçirilən "humanitar jest" kimi qiymətləndirib. Prezident qeyd edib ki, bloklanan gəmilərin bir çoxunda ərzaq və digər zəruri ehtiyatlar tükənmək üzrədir və ekipajların sağlam və sanitariya baxımından uyğun şəraitdə qalması çətinləşir.

Eyni zamanda Ağ Ev rəhbəri xəbərdarlıq edib ki, bu humanitar prosesə hər hansı müdaxilə olacağı təqdirdə ABŞ buna güc tətbiqi ilə cavab verəcək.

Ayxan
Milli.Az