Siyasət

Daha iki erməni general qovulacaq

24 May 2016 13:26
0 Şərh     Baxış: 1 695

Ermənistan prezidenti Serj Sarkisyan Dağlıq Qarabağ münaqişəsi zonasında "dördgünlük müharibə"nin nəticələrinin "təhlil"inə davam edir.
Ermənistan Müdafiə Nazirliyində daha iki generalın işdən kənarlaşdırılacağı gözlənilir.

Milli.Az "Johovurd"a istinadən bildirir ki, generalların adları hələlik açıqlanmasa da, onların "dördgünlük müharibə"də Ermənistan ordusunun mövqelərinin itirməsində və geri çəkilməsində suçlandıqları bəllidir. Bundan başqa, hərbi əməliyyatlar zamanı erməni hərbçilərin silah, sursat, yanacaq və texnika ilə bağlı təminatında yaranmış problemlərin vaxtında həll olunmaması da çox ciddi çatışmazlıq sayılıb.
"Çorrord Hişxanutyun"un məlumatına görə, işdən kənarlaşdırılacaq generallar Ermənistan Müdafiə Nazirliyinin material-texniki təminat idarəsinin sabiq rəisi, nazir müavini Alik Mirzabekyan və Rabitə Xidməti İdarəsinin sabiq rəisi, general-mayor Komitas Muradyanın "kreatura"ları, yaxın adamları sayılır.

Orxan Hun
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.