Dünya

“Koronavirus keçirənlərin “omikron”a yoluxma ehtimalı daha yüksəkdir” - ÜST

30 Noyabr 2021 10:06

0 Şərh Baxış: 1 213

VTB-də minimal faiz dərəcəsi ilə nağd kredit 9.9%-dən

#HADİSƏ

Ümumdünya Səhiyyə Təşkilatı (ÜST) COVID-19 keçirənlərə "omikron" ştammı ilə yenidən yoluxa biləcəkləri barədə xəbərdarlıq edib.

Milli.Az Oxu.az-a istinadən xəbər verir ki, "COVID-19 keçirən insanların narahatlıq doğuran digər variantlarla müqayisədə yenidən "omikron"a yoluxma ehtimalı daha yüksək ola bilər", - deyə ÜST-ün məlumatında bildirilir.

Ancaq yeni ştamla yoluxmanın digər variantlarla müqayisədə daha ağır keçib-keçmədiyi hələlik məlum deyil.

"Mövcud məlumata görə, Cənubi Afrikada xəstəxanaya qəbul nisbəti daha yüksəkdir. Bununla belə, bu, "omikron"la deyil, ümumi yoluxanların sayının artması ilə əlaqəli ola bilər", - deyə ÜST-dən izah edilib.

Eyni zamanda, təşkilatdan mövcud peyvəndlərin COVID-19-un yeni variantına qarşı da təsirli olduğuna əmin edirlər.

Milli.Az