Dünya

ABŞ-da brend mağazalarda qeyri-adi soyğun

24 Noyabr 2021 11:24
0 Şərh     Baxış: 317

ABŞ-da qeyri-adi soyğunçuluq dalğası qeydə alınıb - kütlə mağazaya axışır, rəflərdəki malları sözün əsl mənasında silib-süpürür, qənimətlərini avtomobillərə yığıb tez cinayət yerindən yoxa çıxırlar.

Milli.Az Oxu.az-a istinadən xəbər verir ki, belə bir basqının son hədəflərindən biri Kaliforniyadakı böyük Nordstrom univermağı olub.

Belə ki, ilkin hesablamalara görə, təxminən 80 nəfər içəri soxularaq iki mağaza işçisinə hücum ediblər, onların gözlərinə bibər qazı sıxıblar. Bundan sonra həmin şəxslər malları götürüblər və avtomobillərlə naməlum istiqamətə gediblər.

Milli.Az Oxu.az-a istinadən xəbər verir ki, polis hadisəni "mütəşəkkil oğurluq" adlandırıb və bir sıra mağazaların koordinasiyalı quldur qrupları tərəfindən hədəf alındığını təsdiqləyib.

"Oğrular "Louis Vuitton", "Burberry" və "Bloomingdale's", "Yves Saint Laurent" kimi brend mağazaları qarət ediblər.

Polis bəzi mağazalarında oğurluğun qarşısını ala bilib.

Hüquq-mühafizə orqanları bu oğurluqların arxasında kimin dayandığını hələ tapa bilməyiblər, lakin şübhəlilərdən üçünün saxlanıldığı təsdiqlənib.

Hazırda səlahiyyətlilər satış məntəqələrinin təhlükəsizliyini təmin etmək üçün əlavə qüvvələr cəlb etməyi düşünürlər və müstəntiqlər bütün quldurları müəyyən etmək üçün müşahidə videolarını araşdırırlar.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.