İdman

Poqba Toral ilə eyni klubda oynaya bilər

28 Sentyabr 2026 13:58

Baxış: 341

VTB-də minimal faiz dərəcəsi ilə nağd kredit 9.9%-dən

#TRANSFERLƏR #FUTBOL

Fransa millisinin sabiq futbolçusu Pol Poqbanın karyerasını Türkiyədə davam etdirmək ehtimalı ortaya çıxıb.

Milli.Az Türkiyə mətbuatına istinadən xəbər verir ki, 33 yaşlı yarımmüdafiəçi "Bursaspor"a təklif edilib.

Hazırda azad agent olan Poqbanın qış fasiləsinə qədər yeni klub tapmaq istədiyi bildirilir. "Bursaspor" rəhbərliyinin isə təcrübəli futbolçunun transferinə müsbət yanaşdığı qeyd olunub.

Poqba dopinq cəzası səbəbindən uzun müddət futboldan kənarda qaldıqdan sonra 2025-ci ilin yayında "Monako" ilə ikiillik müqavilə imzalayıb. Lakin zədələr və əsas heyətdə az şans qazanması səbəbindən Fransa klubunda cəmi 6 oyuna çıxıb.

"Monako" 2026-cı ilin avqustunda Poqba ilə müqaviləni qarşılıqlı razılaşma əsasında ləğv edib. Karyerası ərzində "Mançester Yunayted" və "Yuventus" kimi klublarda çıxış edən futbolçu hazırda yeni komanda axtarır.

Qeyd edək ki, "Bursaspor" Türkiyənin II Liqasında mübarizə aparır. Komandanın heyətində Azərbaycan millisinin futbolçusu Toral Bayramov da yer alır. Bursa təmsilçisi 8 turdan sonra 19 xalla turnir cədvəlinə başçılıq edir.

Müəllif: Tural Hüseyn (Milli.Az redaktor)