Dünya

Tehran və Ər-Riyad illər sonra razılığa gəldi

12 Oktyabr 2021 08:18
0 Şərh     Baxış: 661
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İran və Səudiyyə Ərəbistanı hər iki ölkədə konsulluqların yenidən açılması barədə razılıq əldə ediblər.

Milli.Az "qafqazinfo"-ya istinadən xəbər verir ki, bu barədə diplomatik mənbələrə istinadən "Frans Press" məlumat yayıb. Bildirilir ki, yaxın həftələrdə əlaqələrin normallaşması ilə bağlı razılıq əldə ediləcək.

Daha əvvəl İran XİN-in rəsmi nümayəndəsi Səid Xətibzadə bildirmişdi ki, Tehran və Ər-Riyad arasında danışıqlar 5 mərhələdə keçirilib. Onlardan 4-ü Bağdadda, 1-i isə BMT Baş Assambleyasının Nyu-Yorkdakı sammitində baş tutub. Dialoqlar Fars körfəzi və Yəməndəki vəziyyət daxil olmaqla, regional və ikitərəfli məsələləri əhatə edib.

Qeyd edək ki, Ər-Riyad və Tehran arasında münasibətlər 2015-ci ilin martında Səudiyyə Ərəbistanının Yəməndə "Ənsar Allah" (husilər) hərəkatına qarşı hərbi əməliyyatlara başlamasından sonra gərginləşib. İran krallığın bu addımını bölgədəki vəziyyətin stabilliyinin pozulması kimi qiymətləndirib. Öz növbəsində, Səudiyyə tərəfi Tehranı silahlarını, xüsusən də pilotsuz uçuş aparatlarını satdığı husiləri dəstəkləməkdə və Səudiyyə Ərəbistanına qarşı istifadə etməkdə günahlandırıb

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.