Dünya

Şimali Koreya ballistik raket sınağı keçirdi - VİDEO

15 Sentyabr 2021 12:42

0 Şərh Baxış: 559

#VİDEO

Yaponiya Şimali Koreyanın ballistik olduğu güman edilən raket sınağı keçirdiyini açıqlayıb.

Milli.Az "Qafqazinfo"ya istinadən xəbər verir ki, ölkə sentyabrın 15-i səhər saatlarında raket sınağı keçirib.

"Kyodo" agentliyinin verdiyi məlumata görə, Yaponiya Sahil Mühafizəsi raketin ölkəsinin xüsusi iqtisadi zonasının xaricinə düşmüş ola biləcəyini bildirib.

"Associated Press"in Cənubi Koreya Baş Qərargahının açıqlamasına əsaslanaraq yaydığı xəbərdə bildirilib ki, Şimali Koreya raketini ölkənin şərq sahillərinə atıb. Agentlik əlavə məlumat yaymayıb.

Maraqlı məqam bundan ibarətdir ki, ABŞ və Cənubi Koreya diplomatları ötən gün Tokioda "Şimali Koreya" mövzusunda zirvə görüşü keçiriblər. Görüşdən sonra raket atılması suallar yaradıb.

Milli.Az