Dünya

BMT-nin baş katibi: “Taliban”la dialoq vacibdir”

11 Sentyabr 2021 12:27
0 Şərh     Baxış: 310

"Əfqanıstanın BMT-dəki nümayəndəliyi əməkdaşlarının maaşlarını ödəyə bilmir. Çox ciddi problemlərlə qarşı-qarşıyayıq. BMT Baş Assambleyasının 76-cı sessiyasında Əfqanıstana kömək mövzusunda müzakirələr aparacağıq".

Milli.Az report-a istinadən bildirir ki, bu fikirləri BMT-nin baş katibi Antoniu Quttereş keçirdiyi mətbuat konfransında deyib.

"Biz daim "Taliban"la əlaqə saxlayırıq və hazırda dialoqun tamamilə vacib olduğunu düşünürük. BMT-nin elçisi Martin Griffiti Əfqanıstanın paytaxı Kabilə göndərməyimin əsas səbəbi "Taliban" rəhbərliyi ilə danışıqları sürətləndirməkdir. Baş katib protokol baxımından nazirlər səviyyəsindədirsə, bu səviyyədə Martin Griffit BMT-nin dünyada Kabilə gedən ilk diplomatıdır. Bütün tərəfdaşlarımızla birlikdə humanitar müraciət hazırladıq. Bazar ertəsi Əfqanıstana humanitar yardımlara dəstək toplamaq üçün nazirlər səviyyəsində beynəlxalq səviyyəli tədbirə sədrlik etmək üçün Cenevrəyə gedəcəm", - BMT rəhbəri bildirib.

Baş katib BMT Baş Assambleyasının 76-cı sessiyasında Əfqanıstana kömək mövzusunda müzakirələr aparacağını və əfqan xalqına humanitar dəstək barədə qərarların alınacağını bildirib: "Əfqanıstanın iqtisadi çöküşü heç kimin xeyrinə deyil. Bu ərəfədə bəzi dövlətlər və beynəlxalq maliyyə qurumları tərəfindən görülən bir sıra tədbirlər və BMT-nin Təhlükəsizlik Şurası tərəfindən müəyyən edilmiş bəzi sanksiyalar var".

Antoniu Quttereş hesab edir ki, bəzi güzəştlər və mexanizmlərlə çıxış yolu tapmaq vacibdir: "Yəməndə Əfqanıstana yardım mövzusunda mexanizmləri razılaşdıra bildik. Biz əlbəttə problemin həllinə dair çıxış yolları axtarmaqda davam edirik".

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.