Dünya

İran Azərbaycandan elektrik enerjisi idxalını yayın sonuna qədər davam etdirəcək

15 İyun 2021 12:30
Baxış: 620
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İran yayın sonuna qədər Azərbaycandan elektrik enerjisi idxalını davam etdirəcək.

Milli.Az bildirir ki, bunu Trend-ə  açıqlamasında İranın Energetika Nazirliyinin sözçüsü Mustafa Rəcəbi Məşhədi deyib.

M.Rəcəbi Məşhədinin sözlərinə görə, Azərbaycandan idxal İranda elektrik istehlakı və hava şəraitinə uyğun olaraq dəyişəcək.

Nazirlik rəsmisi iyunun 12-də İranın Azərbaycandan 93 meqavat saat elektrik enerjisi idxal etdiyini deyib: "İran Azərbaycandan əvvəllər də elektrik enerjisi idxal edib. Müxtəlif zamanlarda ehtiyaca əsasən İran Azərbaycandan elektrik enerjisi idxal edir. Elektrik enerjisi idxalı ilə əlaqədar imzalanan müqavilələr müəyyən dövr üçün nəzərdə tutulur və davamlı olmur".

M.Rəcəbi Məşhədi qeyd edib ki, İranın bütün sərhəd ölkələrlə elektrik enerjisi üzrə əmkdaşlığı var və ölkənin tələbinə uyğun olaraq elektrik enerjisinin idxal-ixracı ilə bağlı müqavilələr imzalanır.

Qeyd edək ki, İranın Energetika Nazirliyinin bildirdiyinə görə, İranın Muğan məntəqəsində elektrik xətti vasitəsi ilə İran Azərbaycandan gündəlik 130 meqavat saata qədər elektrik enerjisi idxal edə bilər.

Xatrıladaq ki, İranın energetika naziri Rza Ərdəkanian bu ilin yayında İranda ötən 50 ilin ən quraqlıq ili olacağını və İranın SES-lərinin elektrik istehsalının 3,2 min meqavat saat azalacağını deyib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.