Dünya

Əhali Ermənistanı kütləvi şəkildə tərk edir - Statistika

14 İyun 2021 00:49
Baxış: 1 485
VTB-də minimal faiz dərəcəsi ilə nağd kredit 9.9%-dən

Cari ilin 5 ayında Ermənistan əhalisinin 88 min 854 nəfəri ölkəni tərk edərək xarici dövlətlərə köçüb. Bu da son 25 ildə ən yuxarı göstəricidir.

Milli.Az Axar.az-a istinadən xəbər verir ki, bu barədə Ermənistan İctimai Şurasının Miqrasiya Məsələləri üzrə Komissiyasının sədri Qaqik Yeqanyan bildirib.

Onun sözlərinə görə, insanlar arasında miqrasiya əhval-ruhiyyəsi geniş artıb. Son 25 il ərzində analoji mənzərə olmayıb. Əhalinin ölkəni kütləvi surətdə tərk etməsinin dəqiq səbəbini öyrənmək üçün geniş tədqiqat aparılmalıdır.

Rəsmi məlumatlara əsasən 2021-ci ilin yanvar-mart aylarında ölkəni 63 min 713 nəfər həmişəlik tərk edib. Aprel ayında bu göstərici daha 16 min 827 nəfər artıb. Cari ilin mayında isə ölkəni 8 314 nəfər tərk edib.

O deyib ki, ilkin müşahidələrə görə, bu göstərici cəmiyyətdə müharibə qorxusunun artdığını, köçürülmə, ağır ictimai durum, sabaha etibarsızlıq və digər əhval-ruhiyyəni göstərir.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.