Dünya

Conson və Bayden G7 sammiti öncəsi görüşüb

10 İyun 2021 22:52
Baxış: 333

Böyük Britaniyanın Baş naziri Boris Consonla ABŞ prezidenti Co Bayden arasında sabah Britaniyada keçiriləcək G7 sammiti öncəsi görüş olub.

Milli.Az APA-ya istinadən xəbər verir ki, liderlər Britaniya və ABŞ arasındakı münasibətləri müzakirə ediblər.

1 saat 20 dəqiqə davam edən görüşdən sonra Boris Conson ABŞ prezidenti ilə danışıqların yaxşı keçdiyini bildirib.

"Bayden rəhbərliyini və Co Baydeni dinləmək çox gözəldir, çünki NATO-da iqlim dəyişikliyinə dair bir çox mövzuda onların bizimlə birlikdə etmək istədikləri çox şey var", - deyə B.Conson bildirib.

Qeyd edək ki, "Böyük Yeddilər"in (G7) zirvə toplantısı 11-13 iyun tarixlərində Britaniyanın Kornval bölgəsinin Karbis Bey kurort şəhərciyində keçiriləcək.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.