Dünya

Castin Tryudodan Kanadada islamofobiya ilə bağlı etiraf

8 İyun 2021 08:32
Baxış: 309

Kanadanın baş naziri Castin Tryudo London şəhərində (Ontario əyaləti-red) avtomobilin sürücüsünün müsəlman ailəsini qəsdən vuraraq öldürməsi barədə yayılan xəbərdən sonra ölkədə islamofobiyanı dayandırmağa çağırıb.

Milli.Az "Report"a istinadən bildirir ki, Kanadanın hökumət rəhbəri bu barədə sosial şəbəkədə çağırış edib.

"Bizim cəmiyyətlərimizdən heç birində islamofobiyaya yer yoxdur. Bu alçaq və xain nifrəti dayandırmaq lazımdır", - hökumət başçısı tvitterdəki səhifəsində yazıb.

O, həmçinin bildirib ki, bu xəbərdən dəhşətə gəlib. Kanadanın baş naziri eləcə də bütün ölkə müsəlmanlarına həmrəyliyini ifadə edib.

Qeyd edək ki, daha əvvəl Kanadanın Ontario əyalətinin London şəhərində sürücü avtomobillə müsəlman ailəsini qəsdən vurub. Hadisə nəticəsində ailənin dörd üzvü həlak olub.

Yerli polisin məlumatına görə, bir nəfər hadisə yerində həlak olub, daha üç nəfər xəstəxanada ölüb. Qəza zamanı yalnız doqquz yaşlı uşaq sağ qalıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.