Dünya

Filippin hökuməti ölkədə koronavirusla mübarizə tədbirlərini sərtləşdirir

24 Mart 2021 22:40

Baxış: 808

#DÜNYADA #KORONAVİRUS

Filippin hökuməti bu ölkədə koronavirusa yoluxanların gündəlik sayı artdığına görə, pandemiyaya qarşı mübarizə tədbirlərini sərtləşdirir.

Milli.Az AZƏRTAC-a istinadən bildirir ki, son günlər ölkədə koronavirusa yoluxanların gündəlik sayı 8 mini ötüb və bu şəxslərdə virusun müxtəlif ştammları müşahidə edilib.

Bununla əlaqədar, paytaxt Manilada və onun yaxınlığında yerləşən dörd əyalətdə restoranlarda qida qəbulu dayandırılıb. Həmçinin, həmin əyalətlərdən səfərlərin iki həftə müddətinə qadağan edildiyi elan olunub.

Xatırladaq ki, Filippin hökuməti artıq bir ay müddətinə əcnəbilərin ölkəyə gəlişinə qadağa tətbiq edib.

Milli.Az