Dünya

Çexiyanın sabiq prezidenti koronavirusdan sağalıb

7 Mart 2021 16:14
Baxış: 304

Çexiyanın sabiq Prezidenti Vatslav Klaus koronavirusdan sağalıb.

Milli.Az Trend-ə istinadən bildirir ki, fevralın 23-ü koronavirusa yoluxan sabiq prezident hazırda özünü tam sağlam hiss edir.

Bildirilir ki, iyunun 19-da 80 yaşı tamam olacaq Vatslav Klaus koronavirusa qarşı kollektiv immunitetin yaranmasına nail olmaq lazım olduğuna inanır və tibbi maskalardan istifadə etməyi rədd edir. İctimai tədbirlərdə tibbi maskalardan istifadə etmədiyinə görə sabiq prezident iki dəfə cərimələnib. V.Klaus həmçinin vaksinasiyanı da rədd edir.

Qeyd edək ki, Vatslav Klaus 2003-2013-cü illərdə Çexiyanın Prezidenti olub.

Milli.Az 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.