Dünya

Paşinyanın qərargah rəisi etmək istədiyi general: "Ordunun tərəfindəyik"

5 Mart 2021 13:29
Baxış: 947

Ermənistan ordusunun baş qərargah rəisinin müavini Andranik Makaryan hansı tərəfi dəstəklədiyini açıqlayıb.

Milli.Az unikal.org-a istinadən bildirir ki, A.Makaryan baş qərargahın Paşinyanın istefası tələbi ilə yaydığı bəyanata qoşulmayan generallardandır.

Ermənistan mətbuatı hərbçinin Onik Qasparyanın yerinə baş qərargah rəisi vəzifəsinə namizəd kimi nəzərdən keçirilən generallardan biri olduğunu yazır. Bildirilir ki, A.Makaryan adı ən çox müzakirə olunan namizəddir.

Jurnalistlərin baş verənlərlə bağlı ünvanladığı suallara cavab verməkdən imtina edən A.Makaryan isə fərqli mövqe göstərib.

"Siz bir jurnalist kimi mətbuatın tərəfindəsiniz, deyilmi? Bütün hərbçilər də ordudadır. Təbii ki, ordunun tərəfindəyik", - deyə general bəyan edib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.