Dünya

Yava adasında torpaq sürüşdü: 11 nəfər öldü

10 Yanvar 2021 10:24
Baxış: 387

Yava adasında baş vermiş torpaq sürüşməsi nəticəsində azı 11 nəfər ölüb, daha 18 nəfər xəsarət alıb.

Milli.Az APA-ya istinadən bildirir ki, bu barədə "Reuters" İndoneziyanın təbii fəlakətlərin aradan qaldırılması üzrə milli agentliyinin nümayəndəsinə istinadən məlumat yayıb.

"Birinci sürüşməyə güclü yağış və torpaq qatının davam gətirməməsi səbəb olub. Növbəti sürüşmə xilasedicilər hələ ilk sürüşmə zonasından zərər çəkmişləri təxliyyə edərkən baş verib", - agentliyin açıqlamasında belə deyilir.

Ölən və xəsarət alanların sayı dəqiqləşdirilir. Güclü yağış axtarış və xilasetmə işlərini çətinləşdirə bilər.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.