Dünya

Baş katib: “BMT-nin COVID-19-la bağlı cavab tədbirləri görməsi üçün maliyyə çatışmazlığı var”

3 Dekabr 2020 19:16

Baxış: 919

VTB-də minimal faiz dərəcəsi ilə nağd kredit 9.9%-dən

#BMT #KORONAVİRUS

BMT-nin COVID-19-la bağlı cavab tədbirləri görməsi üçün maliyyə çatışmazlığı var.

Milli.Az APA-ya istinadən bildirir ki, bunu BMT-nin Baş katibi Antonio Quterreş Azərbaycan Prezidentinin təşəbbüsü əsasında keçirilən BMT Baş Assambleyasının COVID-19-la bağlı xüsusi sessiyasında çıxışı zamanı deyib.

O, dünya ölkələrini COVID-19-la mübarizədə birgə səylərini gücləndirməyə çağırıb: "Biz satınalma və logistik əməliyyatarımızı 73 ölkəyə tibbi ləvazimatlar və tibbi tədarükləri çatdırmaq üçün səfərbər etmişik. Ümumdünya Səhiyyə Təşkilatının göstərişləri əsasında genişmiqyaslı, koordinasiyalı və hərtərəfli cavab tədbirləri virusun ötürülməsinin, ölüm hallarının azaldılmasının qarşısının alınması və hamımız üçün əlçatan olan vaksinlərin hazırlanması, diaqnostika və müalicənin inkişaf etdirilməsi məqsədi daşıyır. Mən dəfələrlə COVID-19 vaksininin hər yerdə, hər kəs üçün əlçatan olan qlobal ictimai məhsul olmasına çağırış etmişəm. Bu sahədə fəaliyyət sürətlənib. Amma növbəti iki ay üçün təcili lazım olan 4.3 milyard ABŞ dolları da daxil olmaqla, 28 milyard dollar həcmində maliyyə çatışmazlığı var. Mən töhfə verənlərə təşəkkür edirəm və hər kəsi güclü dəstək verməyə çağırıram".

Baş katib qeyd edib ki, ölkələr hərəsi öz istiqamətində getdiyi zaman virus da hər istiqamətdə yayılır. O, dünya ölkələrini virusla mübarizədə əməkdaşlığı artırmağa çağırıb.

Milli.Az