Dünya

Yeni nadir virus yayıldı - 2004-dən sonra ilk dəfə...

18 Noyabr 2020 21:05

Baxış: 1 096

VTB-də minimal faiz dərəcəsi ilə nağd kredit 9.9%-dən

#DÜNYADA

Boliviyada nadir rast gəlinən virus yayılıb.

Milli.Az xəbər verir ki, ölkənin paytaxtı La Pasda Çapare virusu ölkənin səhiyyə işçiləri arasında yoluxmaya səbəb olub.

İnfeksiyanın yaratdığı xəstəliyin 3 nəfərin ölümünə səbəb olduğu bildirilir. Onlardan biri xəstəxananın pasiyenti olub.

ABŞ Xəstəliklərə Nəzarət və Profilaktika Mərkəzinin araşdırmaçıları Ebola kimi qanaxmalı qızdırmaya səbəb ola bilən Çaparenin 2019-cu ildə ortaya çıxdığını bildirib.

Qeyd edək ki, bundan əvvəl 2004-cü ildə La Pasdan 600 km məsafədə yerləşən Çapare bölgəsində bu virus ortaya çıxmış və 1 nəfərin ölümünə səbəb olmuşdu. Virusun adı ortaya çıxdığı yerlə əlaqələndirilir.

Çapare virusunun siçanlardan insanlara keçdiyi ehtimal olunur. Orqanizmin mayesi ilə yoluxan bu tip virusları nəzarət altına almaq tənəffüs yolu ilə yoluxan COVID-19 kimi viruslara nisbətən daha asandır.

Virusun yaratdığı xəstəlik qızdırma, qarın ağrısı, qusma, diş əti qanaması, dəri qızartısı və pullanması, gözlərin arxasında ağrı ilə özünü büruzə verir.

Virusun pandemiyaya səbəb olma ehtimalı mövcuddur. (publika.az)

Milli.Az