Dünya

Koronavirus xəstəsinin ölüm riskini hesablamaq üsulu tapıldı

13 Sentyabr 2020 21:15
Baxış: 375

Britaniyalı alimlər koronavirusa yoluxmuş xəstənin sağ qalmaq şansını hesablamağın üsulunu tapıblar.

Milli.Az medicina.az-a istinadən bildirir ki, alimlər hesab edir ki, sözügedən üsul bir çox xəstənin həyatını xilas edə bilər, çünki bu yolla fərdi müalicə üsulu seçmək mümkündür.

"Riskin müəyyən edilməsi aləti" pasiyentləri dörd qrupa bölməkdir. İlk kateqoriyada ölüm riski hər yüz haldan birində müşahidə olunur. Sonuncu kateqoriyada isə bu rəqəm hətta 62-yə qədər yüksələ bilər.

Mütəxəssislər risk səviyyəsini müəyyən etmək üçün yaş, cins, əvvəllər mövcud olmuş xəstəliklər, tənəffüsün tezliyi kimi göstəricilərdən və iki qan analizinin nəticələrindən istifadə ediblər.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.