Dünya

Dünyada koronavirusa yoluxanların sayı 273 mindən çox artıb

9 Avqust 2020 23:31
Baxış: 646

Dünyada koronavirusa yoluxanların sayı son sutka ərzində 273 mindən çox artıb.

Milli.Az Trend-ə istinadən bildirir ki, bu barədə Ümumdünya Səhiyyə Təşkilatının gündəlik hesabatında deyilir.

Avqustun 9-u saat 12:00 üçün olan məlumata əsasən, ötən sutka ərzində 273 552 nəfər yeni koronavirusa yoluxub, 6 207 nəfər isə dünyasını dəyişib. Yoluxanların ümumi sayı 19 462 112, ölənlərin isə 722 285 nəfərə çatıb.

Ən çox yoluxma və ölüm halları Cənubi və Şimali Amerikada qeydə alınıb - 10 447 261 yoluxma və 385 076 ölüm halı.

İkinci yerdə Avropa regionu qərarlaşıb. Burada yoluxanların sayı 3 562 774, ölənlərin sayı isə 216 426 nəfərə çatıb.

Üçüncü yeri Cənub-Qərbi Asiya regionu tutur, burada ümumilikdə 2 565 800 yoluxma və 52 569 ölüm halı qeydə alınıb.

Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.