Dünya

Türkiyədə koronavirusla bağlı vəziyyət gərginləşib, yoluxma sayı artıb

4 Avqust 2020 22:36

Baxış: 2 123

VTB-də minimal faiz dərəcəsi ilə nağd kredit 9.9%-dən

#KORONAVİRUS

Türkiyədə yeni növ koronavirus (COVID-19) infeksiyasından daha 18 nəfər ölüb.

APA-nın xəbərinə görə, bu barədə Səhiyyə naziri Fəxrəddin Qoca özünün "Twitter" səhifəsində yazıb.

Nazir bildirib ki, son 24 saatda 46 249 şübhəli koronavirus testindən keçib, onlardan 1083-nün cavabı pozitiv çıxıb, ağır xəstə sayı 583 nəfər olub, 994 xəstə isə sağalıb.

F.Qoca bayram günlərində COVID-19-dan qorunma qaydalarına əməl olunmadığı üçün xəstəliyə yoluxma sayında ciddi artım yaranmasından narahatlığını ifadə edib.

Qeyd edək ki, Türkiyədə indiyədək ümumilikdə 234 934 nəfər yeni növ koronavirus infeksiyasına yoluxub, onlardan 5765 nəfər ölüb.

"Yeni xəstə sayındakı artım ciddidir. İki gün arasındaki fərq yaxın dövrdə ilk dəfə bu qədər aşkar hiss olunur. Bayram və istirahət zamanı toplaşma hallarının ağır nəticələrə yol açmasına imkan verməməliyik. Hər birimiz bir-birimizə qarşı məsuliyyət daşımalıyıq. Tədbirdə birliyə ehtiyacımız var", - deyə Səhiyyə naziri Fəxrəddin Qoca "Twitter" hesabındakı paylaşımında bildirib.

Milli.Az