Dünya

Kanadada ermənilər soydaşlarımıza hücum etdilər: xəsarət alanlar var - VİDEO - FOTO

2 Avqust 2020 18:48

Baxış: 3 997

VTB-də minimal faiz dərəcəsi ilə nağd kredit 9.9%-dən

#VİDEO #TƏXRİBAT #ERMƏNİ #KANADA #AZƏRBAYCANLI

18:48

Avqust ayının 1-dən 2-nə keçən gecə Kanadanın Toronto şəhərində yerli erməni icmasının üzvləri soyuq və odlu silahdan istifadə edərək orada yaşayan iki soydaşımıza qarşı növbəti çirkin təxribat törədiblər.

Milli.Az bildirir ki, bu barədə Azərbaycan Respublikasının Kanadadakı səfirliyi məlumat yayıb.

Məlumatda bildirilir ki, bir qrup erməninin hücumuna müqavimət göstərən iki soydaşımız müəyyən dərəcəli xəsarətlər alıblar. Soydaşlarımızın vəziyyəti hazırda sabitdir, bir soydaşımız xəstəxanadadır.

Torontoda yaşayan Azərbaycan icmasının verdiyi məlumata əsasən cinayət yerinə dərhal icma üzvləri və çox sayda polis nəfərləri gəlib. Polis zərər çəkmiş şəxslərdən izahatlar alıb və icma üzvlərimizin məlumatı əsasında təxribatı törədən milliyyətçə erməni şəxslərin yeri müəyyən edilib. Fakt üzrə yerli hüquq-mühafizə orqanları tərəfindən axtarış işləri aparılır və müvafiq tədbirlər həyata keçirilir.

Baş vermiş təxribatla bağlı icma üzvləri dərhal səfirliyi məlumatlandırıblar.

Səfirlik Kanadanın müvafiq orqanları ilə məsələni nəzarətdə saxlayır və araşdırmanın nəticələri ilə bağlı məlumat təqdim edəcək.

---------

13:21

Təcavüzkar ermənilərin Kanadada yaşayan həmvətənlərimizə qarşı təxribatı davam edir.

Milli.Az musavat.com-a istinadən bildirir ki, bu barədə Rəna Müslümova adlı sosial şəbəkə istifadəçisi məlumat paylaşıb.

Belə ki, Kanadanın Toronto şəhərinin "North York" bölgəsində 7-8 erməni 2 həmvətənimizə hücum edərək onlara soyuq silahlarla xəsarət yetirib, avtomobillərini yararsız hala salıb.

Hadisə şahidlərinin sözlərinə görə, ermənilərin əllərində silah, kəsici alət və dəyənək olub.

Hadisə ilə əlaqədar Toronto polisi əraziyə cəlb edilib.

Faktla bağlı araşdırma aparılır.

Milli.Az