Dünya

Koronavirusdan sağalandan sonra xəstəliyin orqanizmdə qalıcı fəsadları açıqlandı

5 İyul 2020 14:03
Baxış: 1 998
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bəzi pasiyentlər koronavirusdan sağalandan sonra da xəstəliyin bəzi əlamətlərini uzun müddət özündə hiss edir.

Milli.Az oxu.az-a istinadən bildirir ki, Harvard Universitetinin professoru Tobias Kurt bu barədə xəbərdarlıq edib.

Mütəxəssisin sözlərinə görə, bəzən gənclər xəstəlikdən bir neçə ay sonra da idmanla məşğul ola bilmirlər, çünki onlarda zəiflik müşahidə olunur və nəfəs almaqda çətinlik çəkirlər.

Kurt bu ağırlaşmaların xroniki hala gələ biləcəyi, yaxud zaman keçdikcə yoxa çıxacağını iddia etmək üçün virusun hələ kifayət qədər ətraflı öyrənilmədiyini vurğulayıb.

O deyib ki, infeksiyanın xroniki nəticələrə səbəb ola biləcəyi təsdiqlənərsə, elm adamları simptomların yaranma riskini azaldacaq vasitələr hazırlamalı olacaqlar.

Bundan əvvəl Böyük Britaniyanın Milli Səhiyyə Xidmətinin mütəxəssisləri koronavirusa yoluxanların ömrünün sonuna kimi onun nəticələrindən əziyyət çəkə biləcəyini demişdilər.

Onlar koronavirusla yanaşı başqa xəstəlikləri olmayan bəzi orta yaşlı xəstələrin belə, sağalandan sonra əmək qabiliyytini itirdiklərini və xroniki yorğunluqdan əziyyət çəkdiklərini  vurğulayıblar.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.