Dünya

Rusiya iqtisadiyyatı 12 faiz gerilədi

29 May 2020 14:31
Baxış: 1 010
VTB-də minimal faiz dərəcəsi ilə nağd kredit 9.9%-dən
#RUSİYA

Koronavirus pandemiyası fonunda aprel ayında Rusiya iqtisadiyyatında 12 faizlik geriləmə müşahidə olunub.

Milli.Az qafqazinfo-ya istinadən xəbər verir ki, bu barədə Rusiyanın İqtisadi İnkişaf Nazirliyinin son hesabatında məlumat verilib.  Qeyd edilib ki, aprel ayında ən böyük eniş istehlakçı tələbinə yönəlmiş sektorlarda müşahidə edilib. Beləliklə, əhaliyə göstərilən pullu xidmətlərin həcmi illik 37,9 faiz azalıb. Bunun ilk növbədə istirahət, mədəniyyət və idman sahəsindəki məhdudiyyətlərlə, eləcə də məişət xidmətləri ilə əlaqədar olduğu bildirilib.

Pərakəndə ticarət dövriyyəsində 23,4 faiz azalma müşahidə olunub - burda isə qeyri-ərzaq məhsullarının seqmentində müşahidə olunan 36,7 faizlik azalmanın mühüm rol oynadığı bildirilib. Ayrıca olaraq, yeni avtomobillərin satışı da 72,4 faiz azalıb. 
Bununla yanaşı, Nazirliyin məlumatına görə, artıq ikinci rübdə məhdudiyyətlər qaldırıldıqca ticarət dövriyyəsində azalmanın yavaşlayacağı gözlənilir. 

İqtisadiyyatın digər əsas sektorlarında isə geriləmənin miqyası daha az olub. Ümumilikdə isə Rusiyada bu il iqtisadi geriləmənin 5 faiz təşkil edəcəyi proqnozlaşdırılıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.