Dünya

Daha bir epidemiya yayılır: ölənlər var - ÜST AÇIQLADI

2 Aprel 2020 11:45
7 Şərh     Baxış: 19 798
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qərbi Afrika ölkəsi Nigeriyada vəba epidemiyası yayılır.

Milli.Az xəbər verir ki, artıq bu səbəbdən ölkənin cənub-şərqində 21 nəfər dünyasını dəyişib.

Ümumdünya Səhiyyə Təşkilatının (ÜST) Ebonyi üzrə koordinatoru Eyo Nora mətbuata verdiyi açıqlamada əyalətdə 155 yoluxma faktının təsdiqləndiyini deyib. O, xəstəliyin rast gəlindiyi bölgələrə tibbi ləvazimatlar və dərmanlar göndərildiyini əlavə edib.

Xalqın epidemiyaya görə təşvişə düşdüyünü ifadə edən Nora simptomlar ortaya çıxanda insanların xəstəxanalara müraciət etməsini tövsiyə verib.

O bildirib ki, vəba təmiz su və gigiyena çatışmazlığından yayılmağa başlayıb.

Nigeriyada təmiz su ehtiyacının qarşılanmaması və tibbi müdaxilənin zamanında, effektiv şəkildə edilməməsi epidemiya və ölüm riskini artırır. Ölkədə uşaq iflici, ishal, meymunçiçək virusu, qızdırma, tifo kimi xəstəliklərə addımbaşı rast gəlinir.

Qeyd edək ki, hazırda dünyada koronavirus pandemiyası tüğyan edir. Son rəqəmlərə görə, 936 min 170 nəfər Kovid-19-a yoluxub. 47 min 249 nəfər dünyasını dəyişib. 194 min 578-i sağalıb./Publika.az

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.