Dünya

Olimpiya Oyunlarının təxirə salınmasının vurduğu ziyanın məbləği açıqlandı

26 Mart 2020 14:19
0 Şərh     Baxış: 516

Tokio Yay Olimpiya Oyunlarının 2021-ci ilədək təxirə salınması təşkilatçılara 2,7 milyard dollara başa gələcək.

Milli.Az Trend-ə istinadən xəbər verir ki, bu barədə "Forbes" jurnalı yazıb.

Qeyd olunur ki, Olimpiya Oyunlarının büdcəsi təxminən 12,6 milyard dollar təşkil edirdi.

Jurnal yazır ki, yarışın təxirə salınmasından sonra təşkilatçılar ümumilikdə 15,3 milyard dollar sərf etməli olacaq.

Beləliklə, Tokio Yay Olimpiya Oyunları tarixdə ikinci ən bahalı olimpiada olacaq. Bundan əvvəl Soçi Qış Olimpiya Oyunlarının keçirilməsinə 21,9 milyard dollar xərclənib.

Xatırladaq ki, martın 24-də Beynəlxalq Olimpiya Komitəsi Tokio Yay Olimpiya Oyunlarının 2021-ci ilə keçirilməsi barədə qərar vermişdi.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.