Dünya

"Hər il minlərlə insan adi qripdən ölür, amma, həyat davam edir"

10 Mart 2020 10:39

3 Şərh Baxış: 3 518

VTB-də minimal faiz dərəcəsi ilə nağd kredit 9.9%-dən

#DÜNYADA #ABŞ #DONALD TRAMP

"Ötən il ABŞ-da 37 min insan adi qripdən ölüb".

Milli.Az xəbər verir ki, bu sözləri ABŞ prezidenti Dondald Tramp rəsmi Facebook hesabında yazıb. Ölkə başçısı bildirib ki, bu rəqəmlərə rəğmən nə iqtisadiyyat çöküb, nə də yaşayış dayanıb.

"Ötən il 37 min amerikalı qripdən ölüb. Bu rəqəm hər il 27000 - 70000 arası dəyişir. Lakin hər hansı yerlər bağlanmır, həyat və iqtisadiyyat davam edir. Bu dəqiqə koronavirusa yoluxanların sayı 546 nəfərdir. Xəstəlikdən 22 nəfər ölüb. Bir də bu barədə düşünün!".

Məlumat üçün bildirək ki, hazırda dünyada yeni növ koronavirusa yoluxanların sayı 114 430 nəfərdir. Xəstəlikdən 4027 nəfər ölüb. Koronavirusa görə ən çöx ölüm hallarının baş verdiyi ölkələr Çin, Cənubi Koreya, İtaliya və İrandır. Azərbaycanda 11 nəfər koronaviruslu şəxs qeydə alınıb.

Bəxtiyar Umarlı
Milli.Az