Dünya

Blumberq təbliğat kampaniyasına 500 milyon dollardan çox vəsait xərclədi

25 Fevral 2020 08:33

0 Şərh Baxış: 728

VTB-də minimal faiz dərəcəsi ilə nağd kredit 10.49%-dən

#DÜNYADA

Maykl Blumberg prezidentlik kampaniyasına artıq 500 milyon dollardan çox pul xərclədi.

Milli.Az Trend-ə istinadən bildirir ki, bu barədə ABŞ-da prezidentliyə namizədlərin reklama ödədikləri pulları hesablayan "Advertising Analytics" şirkəti məlumat yayıb.

"Hazırda, Blumberqin reklam üçün mediaya xərclədiyi ümumi vəsaitin miqdarı - 509 512 884 ABŞ dollarıdır", - şirkətin "Twitter" səhifsində bildirilir.

Nyu-Yorkun keçmiş meri, əvvəlcə respublikaçı olan Maykl Blumberq Demokrat Partiyasından prezidentliyə namizəd kimi qeydə alınıb. Onun sərvəti 50 milyard ABŞ dollarından çoxdur və prezidentlik kampaniyasının xərclərini özü qarşılayır. O, indiyədək Ayova, Nyu-Qempşir və Nevada ştatlarında heç bir praymerizə qatılmayıb və 3 martda 14 ştatın sakinlərinin səs verəcəyi praymerizdə iştirakı gözlənilir.

Milli.Az