Dünya

Türkiyənin qərbində 4.8 bal gücündə zəlzələ olub

28 Yanvar 2020 21:29
0 Şərh     Baxış: 1 118
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türkiyə mediasına istinadən bildirilib ki, çərşənbə axşamı ölkənin qərbində baş verən orta güclü zəlzələ binaları silkələyib və insanları küçələrə qaçmağa məcbur edib. Rəsmilər xəsarət və ya böyük zərər barədə məlumat verməyib.

Bügünkü zəlzələ Türkiyənin şərqində binaların yıxılması və 41 nəfərin ölümünə səbəb olan güclü zəlzələdən dörd gün sonra baş verib. Keçən həftənin cümə günü 6,8 bal gücündəki zəlzələdə 1600-dən çox insan zərər çəkib.

Türkiyənin Fövqəladə Hallar Agentliyi (AFAD) çərşənbə axşamı zəlzələnin gecə saat 2:26-da baş verdiyini, Manisa əyalətindəki Kirkagac şəhəri yaxınlığında 4.8 bal gücündə olduğunu bildirib.

İstanbulun Kandilli Seysmologiya Mərkəzinin bildirdiyinə görə, zəlzələ 6.99 kilometr dərinlikdə baş verib.

Türkiyənin daxili işlər naziri Süleyman Soylu jurnalistlərə açıqlamasında zərər və ya xəsarət barədə ilkin məlumatın verilmədiyini deyib. Türkiyə mediası zəlzələnin İstanbul və İzmirdə də hiss olunduğunu bildirib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.