Sağlamlıq

Yeni yarasa koronavirusu tapıldı - Alimlər xəbərdarlıq etdi

31 Oktyabr 2025 04:04
Baxış: 1 166
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #SAĞLAMLIQ #XƏSTƏLİK #KORONAVİRUS

Braziliyada aparılan araşdırmalar zamanı Covid-19 və MERS virusları ilə genetik oxşarlıq daşıyan yeni koronavirus növü - "BRZ batCoV" aşkar edilib.

Milli.Az xəbər verir ki, virus Latın Amerikasında geniş yayılmış Pteronotus parnellii adlı "bığlı" yarasa növündə tapılıb.

Maranhao və San Paulo ştatlarında toplanan nümunələrin təhlili göstərib ki, "BRZ batCoV Sars-CoV-2", "MERS-CoV" və "SARS" viruslarını birləşdirən beta-koronaviruslar ailəsinə daxildir. Tədqiqatçılar virusun hüceyrələrə daxil olmağı asanlaşdıran sünbül zülalına malik olduğunu bildiriblər.

Maraqlıdır ki, bu xüsusiyyət əvvəllər Amerika yarasalarında müşahidə edilməyib və alimlər hesab edir ki, bu, Cənubi Amerika yarasa populyasiyalarında müstəqil təkamül nəticəsində yaranıb.

Osaka, Sao Paulo və Viskonsin-Madison universitetlərinin birgə apardığı araşdırmaya görə, virus MERS-ə bənzər xüsusiyyətlərə malik olsa da, tamamilə yeni bir nəsil yaradır.

Hazırda virusun insanlara keçdiyinə dair heç bir sübut yoxdur, lakin alimlər xəbərdarlıq edirlər ki, bu cür tapıntılar vəhşi təbiətdəki koronavirusların davamlı müşahidəsinin vacibliyini bir daha göstərir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.