Dünya

Yanğınlardan əvvəlki vəziyyətinə qayıtması üçün Avstraliyaya 100 il vaxt lazımdır

17 Yanvar 2020 02:30

0 Şərh Baxış: 1 146

VTB-də minimal faiz dərəcəsi ilə nağd kredit 10.49%-dən

#DÜNYADA #AVSTRALİYA

Avstraliyanın yanğınlardan əvvəlki vəziyyətinə qayıtması üçün ölkəyə 100 il lazımdır. Milli.Az AZƏRTAC-a istinadən bildirir ki, bu barədə "The Sun" qəzeti yazıb.

NASA-nın məlumatına görə, yanğınların tüstüsü Yer kürəsi ətrafında azı bir dəfə tam dövriyyə edəcək ki, bu da bütün dünyada atmosfer şəraitinə təsir göstərəcək.

Bildirilir ki, Yeni Zelandiyada səmanın rəngi kəskin dəyişib. Nəticədə havanın keyfiyyəti ilə bağlı ciddi problemlər yaranıb.

Daha əvvəl bildirilib ki, Yeni Cənubi Uels ştatında yanğınsöndürənlər Mavi dağların zirvələrindən birində iri yanma ocaqlarından birini lokallaşdıra biliblər. Yanğınsöndürənlər havanın temperaturunun aşağı düşməsi və yağış yağması sayəsində vəziyyəti nəzarətə götürə biliblər.

Avstraliyanın iri "Westpac" bankının hesablamalarına görə, meşə yanğınları ölkəyə 3,5 milyard dollar ziyan vurub.

Ölkənin hakimiyyət orqanları meşə yanğınlarından zərər çəkənlərə 58 milyon Avstraliya dolları yardım ayırmaq niyyətindədir.

Milli.Az