Dünya

DİN başçısı işdən çıxarıldı, başı qırxıldı, üzr istədi - VİDEO

5 Dekabr 2019 12:21
2 Şərh     Baxış: 13 319

2009-cu ildən bəri Türkmənistanın Daxili İşlər Nazirliyinə rəhbərlik etmiş İsgəndər Mulikov oktyabrın 1-də işdən çıxarılıb və həbs olunub.

Milli.Az bildirir ki, Türkmənistanın dövlət telekanalı "Altyn Asyr"ın "Watan habarlary" xəbər proqramında Dövlət Təhlükəsizlik Şurasının iclasından reportaj çərçivəsində İ.Mulikovun etirafı da nümayiş olunub.

"2009-2019-cu illərdə daxili işlər naziri vəzifəsində çalışaraq cinayətkarlıqla mübarizəyə cavabdeh olduğum halda tamaşıma görə vəzifə səlahiyyətlərindən sui-istifadə etmişəm, rüşvətlər almışam, evləri ələ keçirmişəm. Hörmətli Ali Baş Komandan iş və yaşam üçün bütün şəraiti yaratsa da, vicdansızlıq yolunu tutdum və xüsusilə böyük məbləğlərdə rüşvətlər aldım. Cinayətlərim aşkarlanandan sonra qanuni əsaslarla tutuldum və cinayət məsuliyyətinə cəlb olundum. Əməllərimi boynuma alır, peşman olduğumu deyirəm", - başı daz qırxılmış İ.Mulikov deyib.

Baş prokuror Batır Atdayevin dediyinə görə, İ.Mulikov bir sıra ağır qanun pozuntularına, o cümlədən vəzifə səlahiyyətlərindən sui-istifadəyə və xüsusilə böyük məbləğdə rüşvət almağa görə həbs olunub.

O, 25 il müddətinə azadlıqdan məhrum olunub, bütün əmlakı müsadirə edilib.

Türkmənstan Dövlət Miqrasiya Xidmətinin sabiq rəhbəri Meylis Nobatov da həbs olunub.

İ.Mulikov iş adamı Çarı Kulov, habelə bir sıra nazirlər və məmurlarla əlbir olaraq Türkmənistanda dövlət çevrilişi də reallaşdırmaq istəyirmiş.

Milli.Az

loading...

Şərh yaz:

2 Şərh:

  • Anonim
    Vətənpərvər · 5 Dekabr 2019 13:4830

    Belə də olmalıdır. Başqalarına da dərs olar.

    Cavab yaz
  • Anonim
    NEA · 7 Dekabr 2019 09:5300

    Halaldi Turkmenistan PREZIDENTINE! Bizde gomruk işçilerinin ,çekisi 130 kq dan ashagi deyil!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.