PUL
Ötən gecə İstanbulun Fatih rayonunda yerləşən otellərdən birinin kafesində silahlı insident baş verib.
Milli.Az virtualaz.org-a istinadən bildirir ki, nəticədə iş adamı, Çin vətəndaşı olan uyğur türkü Saimait Aierken ağır yaralanıb və çatdırıldığı xəstəxanada ölüb.
Hadisə ilə əlaqədar yaradılmış istintaq qrupu ətrafdakı kameraları açıb, həmçinin S.Aierkenin ətrafındakı insanları araşdırılıb. Nəticədə 3 şübhəli şəxs saxlanılıb.
Təhqiqatçılar müəyyən ediblər ki, Aierkenin istifadə etdiyi nəqliyyat vasitəsi Qırğızıstana aid "CC" nömrəli konsulluq avtomobilidir. Silahlı hücumun səbəbi borc olaraq göstərilir. Ancaq mərhumun Qırğızıstanın diplomatik nömrəli nəqliyyat vasitəsindən istifadə etməsi bir qədər şübhə doğurur.
Hazırda nəzarətə alınan hər üç şəxsin dindirilməsinin davam etdiyi və polisin hadisənin bütün təfərrüatlarını araşdırdığı deyilir.
Saimait Aierkenin ölümü Özbəkistan və Qırğızıstan mətbuatında da yer alıb. Qırğızıstanda 700 milyon dollar pulun xaricə qaçırılması ilə bağlı xəbərlərdə Saimait Aierkenin adı hallanırdı.
Xatırladaq ki, bir gün əvvəl də İstanbulda ingilis casusu öldürülmüşdü. Suriyada 'Ağ baretlilər' olaraq bilinən qrupa verdiyi dəstəklə tanınan İngilis keçmiş kəşfiyyatçısı Ceyms Edvard Lemesurier cəsədi gecə yarısında Karaköy Kılıç Əli Paşa Məscidinin yanında tapılıb. Onun bədənində ağır zərbə izləri və əl -ayaqlarının sındığı təsbit edilib. Polis onun hündür bir yerdən düşdüyünü güman edir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
