Dünya

Bölgədəki hərbi baza və gəmilərini vuracaqdıq... - İran komandanından şok

15 Sentyabr 2019 11:04
2 Şərh     Baxış: 1 830
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İki min kilometr məsafəyə qədər ABŞ-ın bölgədəki bütün hərbi baza və gəmiləri İran raketlərinin hədəfindədir.

Milli.Az APA-ya istinadən bildirir ki, bunu İran İslam İnqilabı Keşikçilər Korpusunun Hərbi Hava Qüvvələri (HHQ) komandanı general-mayor Əmir Əli Hacızadə bildirib.

General deyib ki, İran İslam İnqilabı Keşikçilər Korpusu ABŞ pilotsuz təyyarəsini vurduqdan sonra bu ölkənin Qətər və BƏƏ -dəki bazalarını, eləcə də Oman dənizində hərbi gəmisini hədəfə almışdı.  "Hava məkanımızı pozan  təyyarəni vurduğumuz üçün onlar cavab versəydilər, dərhal həmin hədəfləri vuracaqdıq. Onlar yenə cavab versəydilər, müharibə başlayacaqdı. Biz hava məkanımıza  1 metr belə təcavüz edilməsinə qarşı həssasıq, onların pilotsuz təyyarəsinin vurulması bir xəbərdarlıq idi".

Xatırladaq ki, bu il iyunun 20-si İslam İnqilabı Keşikçilər Korpusu  İranın cənubunda ABŞ-a məxsus "RQ-170 Sentinel" pilotsuz kəşfiyyat təyyarəsini vurduğunu bəyan edib. ABŞ isə pilotsuz kəşfiyyat təyyarəsinin Hörmüz körfəzi səmalarında, beynəlxalq hava məkanında vurulduğunu iddia edib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.