Dünya

Dünyanı şoka salan fırıldaqçılıq - Hamı bu rus qızdan danışır

12 May 2019 13:24
7 Şərh     Baxış: 17 991

Dünya mediası bu günlərdə "saxta milyonçu" ləqəbi ilə məşhurlaşan rusiyalı Anna Sorokinadən danışır.

Milli.Az axşam.az-a istinadən xəbər verir ki, buna səbəb onun film hekayələrindən fərqlənməyən fırıldaqçılığı və həyat tərzidir.

Belə ki, Moskvanın yoxsul səmtlərindən birində kamaz sürücüsünün qızı olaraq 1991-ci ildə doğulan Anna Sorokina 2012-ci ildə bir moda firmasında praktika keçmək üçün Nyu-Yorka gedib. O, 2013-cü ildə özünə yeni şəxsiyyət vəsiqəsi alıb və özünü 67 milyon dollarlıq sərvətin sahibi, neft milyonçusunun qızı Anna Delvi kimi tanıtmağa başlayıb.

Qlamur partilərdə görünüb, etibar qazanan Anna 2016-cı ildə Nyu-Yorkun gecəsi 400 dollar olan ən lüks otellərindən birinə yerləşib. Bu tarixdən etibarən, 10 ay ərzində milyoner kimi yaşayıb. Qaldığı oteldə ofisiantlara 100 dollar verərək, varlı şəxslərə onun haqda danışılmasını istəyib. Dost çevrəsini genişləndirən Anna İnstaqramda da özünə səhifə yaradaraq, lüks yaşam tərzi ilə diqqət çəkib.

Bir müddət dostları ilə özəl yaxtada tətilə çıxıb. 35 min 400 dollarlıq yaxta məsrəfini isə ödəməyib. Eyni il Mərakeşdə gecəsi 7 min dollarlıq oteldə tətilə gedib. Lakin geri dönəndə qaytaracağını söz verərək, otelin 62 min dollarlıq xərclərini dostuna ödətdirib.

Onun etdikləri bununla da bitməyib. Sənət vəqfi quracağını deyərək, 22 milyon dollar kredit almaq istəyən Anna bu istəyinə də nail olub. O, daha sonra aldığı pulu geri qaytarmayıb.

Onu ələ verən isə yaxın dostu olub. Beləliklə, Anna 2017-ci ildə həbs edilib. ABŞ mediası bildirib ki, Sorokina 275 min dollarlıq fırıldaqçılıqda günahlandırılır.

Hekayəsi ilə dünya mediasının marağına səbəb olan Anna bir vəkillə müqavilə imzalayaraq, özünü müdafiə edərkən "Həyatımın filmində mənim obrazımı kimin oynayacağı düşünürəm" deyə, cümlələr işlədib.

Daha sonra məlum olub ki, Annanın vəkili onun həyatının ekranlaşdırılması üçün "Netflix" serial və film platforması isə anlaşıb.

Ötən günlərdə Annanın 15 il müddətinə həbs olunmasının tələb olunduğu məhkəmə iclası keçirilib. Vəkili "Anna gənclik xətası edib. Nyu-Yorkun imkanlarından hər kəs faydalanmaq istəyir. Frenk Sinatra da istəmişdi. Hamımızın içində bir az Anna var. Ancaq hər şey əldə edənədək imiş" deyə, söyləyib.

Lakin məhkəmə qərarına əsasən, Sorokina 4 il həbs cəzası alıb. Həbsdə olduğu müddət hesablanarsa, o, bir neçə il sonra azadlığa çıxacaq. Çıxandan sonra isə vətəndaşı olduğu Almaniyaya göndəriləcək.

Bütün bu proseslər zamanı digər maraqlı məqam isə Annanın vəkili tərəfindən gətirilən geyimləri bəyənməməsi olub. O, buna görə bir dəfə məhkəməyə çıxmayıb. Hakim Diana Kisel iclas zamanı "Məhkəmə ilə podiumu qarışdırırsınız" deyə, Sorokinaya deyib. Vəkili isə Annaya stilist tutmaq məcburiyyətində qalıb. Məhz, bundan sonra Anna bütün iclaslara dünyaca məşhur dizaynerlərin əl işi olan libaslarla ilə qatılıb.

Milli.Az

loading...

Şərh yaz:

7 Şərh:

  • Anonim
    Maqa Sarkazm · 12 May 14:03150

    Qizda ferasete bax sen ehsen sene

    Cavab yaz
  • Anonim
    Kami · 12 May 15:52110

    Gunah bunda deyil ki. Gunah bunun qazdiyib aldatdiqi sadelovhlerdedir. Amma bunun istahi da az deyil haa. Luks heyat terzi surmek arzusundadir.

    Cavab yaz
  • Anonim
    . · 12 May 17:5550

    Bos sohbetdi.pulun olmasin gorek bunlari ede bilersen

    Cavab yaz
  • Anonim
    613 · 12 May 18:4060

    Sene ela 5. Aferin bu gizda fitri mawenniklik istedadi var

    Cavab yaz
  • Anonim
    Terane · 12 May 23:0040

    Geda gizi ele geda da galacag ve olecek. Gedadan bey olmaz!

    Cavab yaz
  • Anonim
    Qaqa · 13 May 09:4801

    yeri var

    Cavab yaz
  • Anonim
    Kefdedi · 13 May 12:5801

    Bu ele filim sirketinden daha cox pul qazanib uzagi 1 il yatib cixib yene kefini cekecek. Eslinde pis variant deyil indi esl milyoner olacaq, amma bu defe eksine pulu ola ola inanmayacaqlar. Burda deyiller adin cixana kimi canin cixsin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.