Dünya

100 ildən sonra mərcan adaları tamamilə yoxa çıxa bilər

27 Mart 2010 12:18
Baxış: 1 906
VTB-də minimal faiz dərəcəsi ilə nağd kredit 9.9%-dən
#UNİTED STATES OF AMERİCA #UNİTED KİNGDOM #DOMİNİON®
Vesti.ru saytının verdiyi xəbərə görə, bunu ABŞ-ın Virciniya ştatındakı "Old Dominion" Universitetinin professoru Kent Karpenter bildirib.

ABŞ Milli Dünya Okeanı və Atmosferin Tədqiqi İdarəsinin məlumatlarına görə, hələ bir neçə əsr öncə mövcud olmuş mərcan adalarının 1/5-i artıq məhv olub. Məhv olmuş mərcan adalarının yarısı Karib dənizi hövzəsinin payına düşür. Hesablamalara görə, yaxın 20 il ərzində mərcan adalarının daha 15%-i məhv olma təhlükəsi qarşısındadır.

Qeyd edək ki, dünya okeanının bu möcüzəsi okean qidalanma zəncirində xüsusi əhəmiyyətə malikdir. Belə ki, qidalanmada istifadə olunan balıqların demək olar ki tən yarısı mərcan adalarında yaşayır. Buna görə də dünyada, xüsusilə də Asiyada yaşayan milyonlarla insanın həyatı məhz mərcan adalarında yaşayan balıqlardan asılıdır.

Mərcan adalarının məhv olmasının əsas səbəbləri istiləşmə, okeanın çirklənməsi və okean sahillərinin insanlar tərəfindən fəal sürətdə mənimsənilməsidir. Bundan əlavə, mərcanlardan hazırlanan suvenir və bəzək əşyaları sənayesinin də inkişafı bu adaların məhvinə şərait yaradır.

K.Karpenterin fikrincə, mərcan adalarının tam məhvi ümumilikdə dəniz ekoloji sistemində dəyişikliklərə gətirəcək. Bu isə bir sıra ölkələrdə aclıq və yoxsulluğa, bütün dünyada siyasi qeyri-sabitliyə gətirə bilər.

/APA/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.