Dünya

Sərsəm keşişdən yeni şok qərar: "Müsəlmanların peyğəmbərini edam edəcəyəm!" - FOTO

18 Aprel 2011 12:38

Baxış: 209

VTB-də minimal faiz dərəcəsi ilə nağd kredit 9.9%-dən

#UNİTED STATES OF AMERİCA

Milli.Az xəbər portalı "World News Daily"yə istinadən bildirir ki, ABŞ-ın Florida ştatındakı keşiş Terri Cons yeni qalmaqala əl atıb. O, Hz.Məhəmmədi (s.ə.s) "ictimai məhkəməyə cəlb etmək" niyyətindədir.

"Müdafiə və ittiham üçün ekspertlər tapacağıq. Əgər Məhəmməd peyğəmbər günahsız bilinərsə, hamının qarşısında İslam və müsəlmanlardan onları incidən əməllərimizə görə üzr istəyəcəyik. Yox əgər müsəlmanların peyğəmbəri ona qarşı irəli sürdüyümüz ittihamlarda günahkar bilinərsə, Quranı yandırmaqla başladığımız prosesi davam etdirəcəyik. Günahkarın cəzalandırılmasının 4-5 formasını təklif edəcəyik və məhkəmədəki ekspertlərin seçəcəyi cəza həyata keçiriləcək. Quranla da belə etdik. Bu kitabı yandırmaq, torpağa basdırmaq, parçalamaq və güllələmək kimi cəzalardan birini seçdik. Çox yəqin ki, Məhəmməd peyğəmbərin əks olunduğu bir şəkli seçəcək və ya onun müqəvvasını hazırlayacaq, sonra da məhkəmədəki ekspertlərə onun üçün edam forması seçməyi təklif edəcəyik", - keşiş Cons deyib.

Florida ştatının hüquq-mühafizə orqanları Terri Consun bu niyyətini "absurd və dəlisovluq" adlandıraraq bildiriblər ki, əgər keşiş dediyini reallaşdırmağa çalışarsa, həbs ediləcək.

Ştatdakı ictimai təşkilatlar və hüquq müdafiəçiləri isə İslamın belə ağır formada təhqirinə əsla yol verilməməsi üçün müvafiq dövlət qurumlarına müraciət edərək Terri Consun təxribatlarının qarşısının alınmasını tələb ediblər.

Milli.Az