Dünya

Bərə batdı, 18 nəfər öldü

1 Yanvar 2016 17:33
0 Şərh     Baxış: 1 117
VTB-də minimal faiz dərəcəsi ilə nağd kredit 9.9%-dən

Misirdə bərənin batması nəticəsində azı 18 nəfər həlak olub.

Milli.Az anspress-ə istinadən xəbər verir ki, hadisə Nil çayında baş verib. Bərə Misirin iki şəhəri - Kəfr-əş Şeyx və Buxeyra arasında işləyib. Vilayət qubernatorunun məlumatına əsasən, bərənin göyərtəsində 22 sərnişin olub. Onların 18-nin meyiti artıq tapılaraq, aidiyyatı orqanlara təhvil verilib. Daha dördünün meyiti isə hələ də axtarılır. 

Hadisənin hansı səbəbdən baş verdiyi məlum deyil, bu barədə araşdırmalar aparılır. Hal-hazırda hadisə yerində xilasedicilər çalışır. 

Ümumiyyətlə, Nil çayında batan bu bərə ilk hadisə deyil. Ötən il Cənubi Sudanda Nil çayında üzən bərənin batması nəticəsində azı 200 nəfər ölüb. Bərədə olanların böyük əksəriyyəti qadın və uşaqlar olub və onlar hamısı batıb. Ölənlərin Malakal dairəsində silahlı qruplaşmalardan qaçan sakinlər olduğu bildirilir. 

Nil çayı - Uzunluğuna görə dünyanın ən böyük iki çayından biridir. Uzunluğu 6853 km-dir. Afrika materikində yerləşir. Çay öz başlanğıcını Şərqi Afrika yaylasından götürərək Aralıq dənizinə tökülür. Nil 10 ölkənin ərazisində axır. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.