Dünya

Məkkədə faciə: 107 ölü, 238 yaralı - YENİLƏNİB - VİDEO - FOTO

12 Sentyabr 2015 09:10

58 Şərh Baxış: 22 023

VTB-də minimal faiz dərəcəsi ilə nağd kredit 9.9%-dən

09:10

Milli.Az bildirir ki, Məkkədəki "Məscid əl Həram"da qaldııcı kranın aşması nəticəsində həlak olanların sayı 107 nəfərə, yaralıların sayı isə 238 nəfərə çatıb.

00:47

Milli.Az Al Jazeera-ya istinadən bildirir ki, Məkkədə Məscid əl Haramda qaldırıcı kranın aşması nəticəsində həlak olanların sayı 87 nəfərə, yaralıların sayı isə 184 nəfərə çatıb.

Həlak olan və yaralananların tam əksəriyyəti həcc ziyarətinə gəlmiş zəvvarlardır.

Kranın aşmasının səbəbinin güclü külək olduğu deyilir. Hazırda Məkkədə və Səudiyyə Ərəbistanının bir sıra şəhərlərində güclü külək əsir, yağış yağır.

Məscid əl Haramda iki ildən bəri genişmiqyaslı rekonstruksiya işləri aparılır.

Kranın aşdığı yerdə 15 axtarış-xilasetmə briqadası işləyir. Məkkə əmiri şahzadə Xalid əl Feysəl olayın araşdırılması üçün istintaq komitəsinin yaradılmasına göstəriş verib.

-----------------

11.09.2015

22:59

"Məscidül-Həram"ın genişləndirilməsi işləri zamanı qaldırıcı kranın aşması nəticəsində 65 nəfər ölüb, 80 nəfər xasarət alıb.

Trend "Əl-Cəzirə"-yə istinadən verdiyi məlumata görə, bu barədə Səudi Ərəbistan mülki müdafiə rəsmisi bildirib.

---------

22:17

"Məscidül-Həram"ın genişləndirilməsi işləri zamanı qaldırıcı kranın aşması nəticəsində 52 nəfər ölüb, 30 nəfər xasarət alıb.

Trend "Əl-Cəzirə"-yə istinadən verdiyi məlumata görə, bu barədə Səudi Ərəbistan mülki müdafiə rəsmisi bildirib.

---------

21:03

Səudiyyə Ərəbistanının Məkkə şəhərində müsəlmanların müqəddəs ziyarətgahı olan "Məscidül-Həram"ın genişləndirilməsi işləri zamanı qaldırıcı kranın aşması nəticəsində məscidin divarlarından biri dağılıb.

Bu barədə Trend "TRT Haber" telekanalına istinadən məlumat verir.

Hadisə nəticəsində təqribən 10 nəfərin öldüyü, 20 nəfərin xəsarət aldığı bildirilir.

Hazırda xilasedicilər və təcili tibbi yardım briqadası hadisə yerindədirlər.

Hadisəyə ilkin səbəb kimi güclü yağış yağması göstərilir.

Qeyd edək ki, hazırda Məkkədə Ümrə ziyarəti həyata keçirilir.

Milli.Az

---------

22:07

Videonu izləmək üçün aşağıdakı şəklə klikləyin.