Dünya

Rusiya ailmləri "Ebola" virusuna qarşı peyvənd tapıblar

30 Dekabr 2014 15:43
0 Şərh     Baxış: 1 700
VTB-də minimal faiz dərəcəsi ilə nağd kredit 9.9%-dən
#DÜNYADA #RUSSİA #RUSİYA #İCAD INC #EBOLA VİRUSU

Rusiyada bir qrup alim "Ebola" virusuna qarşı peyvənd icad edib

APA-nın Rusiya bürosu xəbər verir ki, Sankt-Peterburqda yerləşən Yoluxucu Xəstəliklərin Təhqiqatı İnstitutunun direktoru Oleq Kiselyov bildirib ki, institutun gənc alimləri tərəfindən hazırlanmış peyvənd hazırda genetik dayanıqlılıq testlərindən keçirilir.

"Ebola"ya qarşı peyvəndin Rusiya Müdafiə Nazirliyi Virusoloji Mərkəzinə göndərildiyini bildirən O. Kiselyov peyvəndin ilk olaraq heyvanlar üzərində sınaqdan keçiriləcəyini deyib: "Könüllülər üzərində isə peyvənd Afrikada sınaqdan keçiriləcək".

O. Kiselyov peyvəndlə bağlı bütün sınaqların gələn ilin fevralında başa çatacağını qeyd edib.

Xatırladaq ki, Ümumdünya Səhiyyə Təşkilatının son hesabatına əsasən, "Ebola"dan ölənlərin sayı 7693 nəfərə, xəstəliyə tutulanların sayı isə 19695 nəfərə çatıb. Bu virusdan ən çox ölüm halları Liberiya, Syerra-Leone və Qvineyada qeydə alınıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.