PUL
Panamada keçirilən "Amerikalar sammiti" çərçivəsində ABŞ prezidenti Barak Obama və Kuba rəhbəri Raul Kastro təkbətək görüş formatında danışıqlar aparıblar.
Milli.Az BBC-yə istinadən bildirir ki, iki ölkə liderləri arasında 1959 iıldən bəri bu, ilk birbaşa ikitərəfli görüş olub.
O zaman, Kubada təzəcə hakimiyyətə gəlmiş Fidel Kastro ABŞ-ın o dövrdəki vitse-prezidenti Riçard Nikson ilə görüşmüşdü.
Müşahidəçilərin pronozlarının əksinə olaraq, ABŞ prezidenti Barak Obama görüşdən sonra bildirib ki, Kubanın adını terrorçuluğu dəstəkləyən dövlətlər siyahısından çıxarılıb-çıxarılmaması üzərində o, "hələ düşünməlidir".
Qeyd olunan "qara" siyahıdan o və ya bu dövlətin adının çıxarılması həmin dövlətlə ABŞ arasında tam miqyaslı diplomatik münasibətlərin qurulması üçün əsas şərt sayılır.
Obama-Kastro görüşü Panama paytaxtında şənbə günü keçirilmiş "Amerikalar sammitində" təşkil edilib və 1 saatdan artıq davam edib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
