Dünya

Məşhur aviaşirkətin təyyarələri İraq üzərindən uçmayacaq

9 Avqust 2014 10:59

0 Şərh Baxış: 1 902

VTB-də minimal faiz dərəcəsi ilə nağd kredit 9.9%-dən

#DÜNYADA #TƏYYARƏ #AVROPA #IRAQ #HAVA LİMANI #BRİTİSH AİRWAYS PLC

Bir çox aviaşirkətlərdən sonra "British Airways" da İraq səmasını təhlükəli sayır

Britaniyanın aviaşirkəti "British Airways" bir çox dünya şirkətlərinin ardınca, İraqda vəziyyətin gərginləşməsi və ABŞ-nin İraqda aviazərbələrə başladığından ölkənin üzərindən uçuşları dayandırıb.

Anspress-in məlumatına görə, bu barədə aviadaşıyıcının nümayəndəsi xəbər verib.

"Biz müvəqqəti olaraq İraq hava məkanı üzərindən uçuşları dayandırmışıq", - deyə nümayəndə jurnalistlərə dəqiqləşdirərək İraqdan keçən, məsələn, Doxa və ya Dubaya uçuşlarının dayandırılımadığını, sadəcə marşrutlarını dəyişdiyini bildirib. Onun sözlərinə görə hökümət qüvvələri ilə yaraqlılar arasında baş verən münaqişə aviadaşımaları təhlükəyə atır.

Təhlükəsizliyi nəzərə alaraq daha əvvəl "Turkish Airlines", "Emirates", "Etihad Airways" kimi və digər aviaşirkətlər İraq üzərindən uçuşları dayandırmışdı.

Xatırladaq ki, iyun ayının əvvəlindən etibarən İŞİD "İslam dövləti" terrorist qruplaşmasının aktivləşməsindən İraqda təhlükəsizlik təhdidi artıb. Axırıncı günə kimi Suriyada vuruşan İŞİD yaraqlıları İraqın şimal və qərb bölgələrinə hücum təşkil edir. Onlara İraq daxilindən də insanlar, Səddam Hüseyn ordusunun əsgərləri və digər kiçik terror təşkilatları qoşulur. 29 iyun İŞİD Suriyada və İraqda Aleppodan başlayaraq İraqın şimalındalə Diyalaya kimi "islam xəlifəsi"ni elan ediblər. Qruplaşma daha sonra Vanna və Sincar kimi şəhərləri tutub. Hərbi cinayətlərinin həddi-hüdudu olmayan, şiələrlə kürtlərin kütləvi edamlarını təşkil edən terror təşkilatına qarşı bu cümə ABŞ İraq ordusuna kömək olaraq aviazərbələrə start verib.

Milli.Az

Milli.Az - Xəbər Portalı

Məşhur aviaşirkətin təyyarələri İraq üzərindən uçmayacaq

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?