Dünya

Ukraynada sərhəddə silahlı insident, 8 əsgər öldü, yaralılar var - YENİLƏNİB

22 May 2014 13:59

0 Şərh Baxış: 2 011

VTB-də minimal faiz dərəcəsi ilə nağd kredit 9.9%-dən

#UKRAYNA #UKRAİNE #ROTATE BLACK INC

13:59

Ukraynanın Donetsk vilayətinin Volnovaxa şəhəri yaxınlığında döyüşlərdə 8 Ukrayna hərbçisi ölüb, daha 18 nəfər yaralanıb. Trend-in "RBK-Ukrayna" agentliyinə istinadən verdiyi məlumata görə, bu barədə "İnformasiya Müqaviməti" qrupunun üzvü, Hərbi Araşdırmalar Mərkəzinin rəhbəri Dmitri Tımçuk öz "Facebook" səhifəsində yazıb.

D.Tımçuk bildirib: "Rubejnoye və Volnovaxa yaxınlığında terrorçu qruplarla Ukrayna güc strukturları qüvvələri arasında silahlı toqquşmalar olub. ATƏ [antiterror əməliyyatları] qüvvələri tərəfdən həlak olanlar var. Xüsusilə Volnovaxa ətrafında, bizim məlumatlarımıza görə, səkkiz Ukrayna hərbçisi həlak olub, 18-i yaralanıb".

O əlavə edib: "Qeyd etmək lazımdır ki, bu yaşayış məntəqəsi əsas "terror yuvası"ndan - Slavyansk və Kramatorskdan kifayət qədər uzaq məsafədə yerləşir. ATƏ zonasında yetərincə güc və vasitə cəmləşdirildiyi faktını nəzərə alaraq yenidən ATƏ rəhbərliyinin effektivliyi və kompetentliyi məsələsi kəskin şəkildə durur".

---------
11:24

Ukraynanın Luqansk vilayətində silahlı insident baş verib.

APA-nın UNİAN-a istinadən verdiyi məlumata görə, mayın 21-də axşam saatlarında silahlılar Ukrayna dövlət sərhədindən qanunsuz keçməyə cəhd göstəriblər.

Lakin ukraynalı sərhədçilər hücumun qarşısını alıblar. Atışma nəticəsində sərhədçilər arasında yaralananlar olub.

Həmçinin bildirilir ki, hücum edənlərin iki snayper nöqtəsi məhv edilib.

Milli.Az