Dünya

Prezident qonşusunu məhkəməyə verdi

16 Aprel 2014 14:56
2 Şərh     Baxış: 1 207
VTB-də minimal faiz dərəcəsi ilə nağd kredit 10.49%-dən
#DÜNYADA #SİYASƏT #RUSSİA #BOLİVİA
Boliviya prezidenti Evo Morales qonşu Çili dövlətini məhkəməyə verib. Milli.Az Rusiya mətbuatına istinadən xəbər verir ki, prezident Çili ilə ərazi mübahisələri ilə bağlı sənədləri Haaqa beynəlxalq məhkəməsinə təqdim edib.

Söhbət ХIХ əsrdə baş vermiş silahlı münaqişə nəticəsində Boliviyanın Sakit okeana çıxışını təmin edən Antofaqasta rayonun itirilməsindən gedir. İndi Boliviya beynəlxalq məhkəmə vasitəsi ilə Sakit okeana çıxışını təmin etmək istəyir.

"Boliviyanın Sakit Okeana suveren çıxışı üçün danışıqlara məcbur edilməsi barədə 2013-cü ildə Çiliyə qarşı irəli sürdüyü iddialarını əsaslandıran başlıca tarixi və hüquqi sübutları özündə birləşdirən akt bu gün təqdim edilib", - Morales qeyd edib.

Boliviya prezidentinin təqdim etdiyi sənədlərin tərkibi konfidensial xarakter daşıyır. Bununla belə, müşahidəçilər deyirlər ki, La-Pasın mövqeyini əks etdirən ilk hüquqi sənəddir. İndi isə Çili tərəfi cavab addımı atmalıdır.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.